Birge.az dostlarınla bir yerə toplaşacağın, yeni insanlarla tanış olacağın və onların sənin haqqında nə düşündüklərini biləcəyin saytdır. Saytdan istifadə etmək üçün daxil ol və ya qeydiyyatdan keç!
onsuz-olmur adlı istifadəçinin bloqu

İmadeddin Nesimi -sigmazam-

Məndə sığar iki cahan, mən bu cahanə sığmazam,

Gövhəri laməkan mənəm, kövnü məkanə sığmazam.


Ərşlə fərşu kafü nun məndə bulundu cümlə çün,

Kəs sözunüvü əbsəm ol, şərhu bəyanə sığmazam.



Kövnü məkandır ayətim, zati dürür bidayətim,

Sən bu nişanla bil məni, bil ki, nişanə sığmazam.



Kimsə gümanə zənn ilə olmadı həqq ilə biliş,

Həqqi bilən bilir ki mən, zənnü gümanə sığmazam.


Surətə baxu mə'nini surət içində tanı kim,

Cism ilə can mənəm, vəli cism ilə canə sığmazam.


Həm sədəfəm, həm inciyəm, həşru sirat ədinciyəm,

Bunca qumaşu rəxt ilə mən bu dükanə sığmazam.


Gənci-nihan mənəm mən uş, eyni-əyan mənəm, mən uş,

Gövhəri-kan mənəm mən uş, bəhrəvu kanə sığmazam.


Gərçi mühiti-əzəməm, adım adəmdir, adəməm,

Dar ilə künfəkan mənəm, mən bu məkanə sığmazam.


Can ilə həm cahan mənəm, dəhrilə həm zaman mənəm,

Gör bu lətifeyi ki mən, dəhru zəmanə sığmazam.


Əncum ilə fələk mənəm, vəhy ilə həm mələk mənəm,

Çək dilinivu əbsəm ol mən bu lisanə sığmazam.


Zərrə mənəm, günəş mənəm, çar ilə pəncu şeş mənəm,

Surəti gör bəyan ilə, çünki bəyanə sığmazam.


Zat iləyəm sifat ilə, qədr iləyəm bərat ilə,

Gülşəkərəm nəbat ilə, bəstə dəhanə sığmazam.


Nar mənəm, şəcər mənəm, ərşə çıxan həcər mənəm,

Gör bu odun zəbanəsin, mən bu zəbanə sığmazam.


Şəms mənəm, qəmər mənəm, şəhd mənəm, şəkər mənəm,

Ruhi-rəvan bağışlaram, ruhi-rəvanə sığmazam.


Gərçi bu gün Nəsimiyəm, haşimiyəm, qureyşiyəm,

Bundan uludur ayətim, ayətü şanə sığmazam


 
Maraqlı
Lehinə səslər: 3  |  Əlehinə səslər: 0

Şərh yaz:

o vaxtin seirleri tam basqa ve mena dolu olub indikiler ne yazasin bilmeyib agzina gelen yazirlar sonrada seir deyirler
#1, 10.05.2018 - 14:35
Duzdu brat
10.05.2018 - 18:51