Birge.az dostlarınla bir yerə toplaşacağın, yeni insanlarla tanış olacağın və onların sənin haqqında nə düşündüklərini biləcəyin saytdır. Saytdan istifadə etmək üçün daxil ol və ya qeydiyyatdan keç!
asifisrafilov adlı istifadəçinin bloqu

Sabirabadlı Fikret Mammadli ilə yazəşmam

Fikret Mammadli

Öyrənə bilməyib tarix yaşını,
Bu gəlin dünyanın,qarı dünyanın.
Qatmasın dövləti-malı başını,
Dünyada qalacaq varı dünyanın...

Kərbəlayi Asif
Almadı dərsini,unutqan insan,
Al üstdən aldatdı alı,dünyanın.
Torpaqdan yaranıb torpağa döndü,
Əvvəli dünyanın,dalı dünyanın.(((

Fikret Mammadli
Namərdlər kamını alır yenə də,
Dərd-qəmi mərdlərə qalır yenə də,
Ay Asif qardaşım,çalır yenə də,
Köhnə havasını valı dünyanın...(((

Kərbəlayi Asif
Dəyməynən yarama,yaram qan verir,
Dinməyir,göynəyir,həmin an verir
Görəndə,Hüseyin düşüb can verir,
Onda qana batdı nalı dünyanın.((((

Fikret Mammadli
Vermisən nənənin,babanın yasın,
Dəyişib nə qədər doğman dünyasın,
Ey İNSAN,gözünü qamaşdırmasın,
İpəyi,qumaşı,alı dünyanın...

Kərbəlayi Asif
Ölüm mənzil aldı göz ilə qaşdan,
Etdi vidasını tökülən yaşdan,
Əyib süysününü,yük,tutub "kaş"dan,
Çoxunu yandırdı xalı dünyanın.

Fikret Mammadli
Adam var ki dağı dağ üstündədir,
Adam var ki yağı yağ üstündədir,
Vallah,beş arşınlıq ağ üstündədir,
Savaşı,davası,qalı dünyanın...

Kərbəlayi Asif
Qamaşdı gözlərim dünya varından,
Dərs verdi,öyrəndim pəhrizkarından.
Dadma,qurtarmazsan,dərd azarından,
Həm balı,həmdəki yalı dünyanın.

Fikret Mammadli
Gah tikər,gah qoymaz daş üstündə daş,
Gah sevinc bəxş edər,gah axıdar yaş,
Bir də görərsən ki,töküldü,qardaş,
Dəymişi durmuşkən,kalı dünyanın..

Kərbəlayi Asif
Cavan qız donunda o qoca qari,
Aldadıb doladı çox oğlanları.
Nə özü yarıdı,nə dedi yarı
Hələ ər axtarır dulu dünyanın.

Fikret Mammadli
Qarışıb son vaxtlar toy ilə yası,
Bəşərin əlindən çıxıb noxtası,
Qalmayıb əvvəlki ismət-həyası,
Sürüşüb üzündən şalı dünyanın...

Kərbəlayi Asif
Gözlərim yollarda,gözlədim hər ay,
Ötən cümələrdən çıxmadı haray.
Tağutlar göylərə ucaldəb saray,
İndi meydan oxuyr çalı dünyanın.

Fikret Mammadli
Fikrət əzəl gündən bildi Haqqı pir,
Olmadı,min şükür, nəfsinə əsir,
Nə Yerdə,nə Göydə yer tapa bilmir,
Azıb neçə vaxtdır falı dünyanın!

Kərbəlayi Asif
Fələk bərəsində yayını gərib,
Asiftək çoxları olubdu qərib,
İnan fəryad edir,ta dilə gəlib,
Ən fağır,ən yazıq lalı dünyanın.(((



 
Maraqlı
Lehinə səslər: 3  |  Əlehinə səslər: 0

Şərh yaz: