İnternet xəbərdarlığı

Valideynlər üçün

Ümumiyyətlə, internet yaxşı yerdir. İnternetə minnətdarıq ki, insanlara yeni dost tapmağa, daha sosial olmağa kömək edir. Küçədə baş verən pis hadisələr, internetdə də ola bilər. Övladın internetdə avtomobil oğurlaya bilməz, lakin burada diqqət tələb edən təhlükələr var. Bu növ təhlükədən uşağı qorumaq valideynlərin işidir.

Uşağınla çox vaxt bir yerdə olmağa çalış. Uşaqların problemləri olduqda və onlara qulaq asılmadıqda, real həyatla bağlı bəzi suallara cavab tapmadıqda, onlar virtual həyata qaça bilərlər. Əgər uşağınla aranızda etibar varsa, ona pozitiv yöndən yanaş. Uşağı həmişə yoxlamağa çalışma - bir-birinizə güvən hissi varsa, maraqlandığı hər şeyi səndən soruşacaq. İndiki zamanda internet haqda uşaq səndən daha çox bilir. Ona görə də onu eşitməmiş qərar vermə, beləliklə daha çox öyrənəcək və uşağı daha yaxşı qoruyacaqsan!

Ondan Birge.az saytındakı yaxşı/pis xüsusiyyətləri soruş. Özünə Birge.az hesabı aç, uşağını dost siyahına əlavə et. Uşağının profilinə nəzər yetir - hansı məlumatların dostları və ya hamı tərəfindən görünən olduğunu müəyyən et. Əgər səni narahat edən mövzu olsa, bunu uşağına başa sal. Əmr etmək və ya inkar etmək düz olmaz. Əgər uşaq incidilir və ya döyülürsə, əsasən o necə reaksiya verəcəyini bilmir. Təəssüf ki, qanunlar bu istiqamətdə zəifdir və hadisə baş verdikdən sonra ortaya daxil olur, bu isə gecdir. Uşağına ona şübhəli gələn, narahat edən şey olanda sənə deməsini başa salmağa çalış.
İnternet artıq uşaqlar üçün real əlaqə məkanıdır və bunu onlara qadağa edə bilmərik. Uşağını dinləməyi və ona daha çox vaxt ayırmağı özünə öyrət!

Uşaqlar üçün

Birge.az dost tapmaq, onlarla əlaqə yaratmaq üçün əla məkandır, amma unutma ki, həyatda olduğu kimi internetdə də təhlükə var. Bundan qorunmaq üçün bu təhlükəsizlik qaydalarına əməl etmən xahiş olunur:

Unutma ki, sənin yaydığın xəbər başqaları tərəfindən əlçatan və görülə biləndir. Əslində bu normaldır, amma başqalarının görməsini istəmədiyin şeyləri əlavə etməsən yaxşıdır! Dünyadakı insanlar müxtəlifdir - yaxşı və pis! Pislərin içində internet istifadəçiləri də az deyil. O insanların sənin şəxsi e-mail, telefon nömrə və MSN ünvanını görməsini istəmirsənsə, profilində onu gizlət! Profilini qoru - internetdə verəcəyin məlumatlarını və şifrəni diqqətlə seç!

İnternetdə tanış olduğun insanlarla görüşmə! Əgər mütləq görüşməlisənsə, evdəkilərə hara gedəcəyini, səninlə necə əlaqə saxlamalı olduqlarını bildir. Bu bəs deyilsə, dostlarına da bu haqda de. İlk görüşə tək getmə (yaxşı tanıdığın adamla getsən yaxşıdır). İnsanların çox olduğu yerdə görüşün - ticarət mərkəzləri, populyar kafelər kimi. Əgər mümkündürsə, kiminlə görüşəcəyini dəqiqləşdir (məsələn, ortaq dostlar vasitəsilə). Unutma, insanlar həmişə sən fikirləşdiyin qədər yaxşı olmaya da bilər!