Cəbrayıl rayonunun işğaldan azad edilmiş Cocuq Mərcanlı kəndində TÜİB və TİKA-nın təşəbbüsü, KOBİA və “BİRGƏ İnvest”-in dəstəyi ilə suvenir istehsalı müəssisəsinin yaradılması ilə bağlı tikinti işləri aparılır. Füzuli Beynəlxalq Hava Limanının açılış mərasimi çərçivəsində Azərbaycan və Türkiyə prezidentlərinə suvenir istehsalı layihəsinin təqdimatı keçirilmiş, müəssisə barədə ətraflı məlumat verilmişdir. Müəssisədə kiçik ölçülü xalçaların, saxsı qabların və digər suvenirlərin istehsalı nəzərdə tutulub.