AZƏRBAYCAN RESPUBLİKASININ KİÇİK VƏ ORTA BİZNESİN İNKİŞAFI AGENTLİYİ

Agentlik Azərbaycan Respublikası Prezidentinin 28 dekabr 2017-ci il tarixli Fərmanı ilə yaradılıb.

Agentlik ölkədə mikro, kiçik və orta biznesin inkişafını dəstəkləyən və dövlət orqanlarının bu sahədə xidmətlərinin əlaqələndirilməsini və tənzimlənməsini həyata keçirən publik hüquqi şəxsdir və İqtisadiyyat Nazirliyinin tabeliyində fəaliyyət göstərir.

Agentlik mikro, kiçik və orta biznesin maliyyə resurslarına çıxış imkanlarını genişləndirmək məqsədilə 18 noyabr 2019-cu ildə Birgə İnvest şirkətini təsis edib.

smb.gov.az

İNKİŞAF ETMƏK ÜÇÜN FÜRSƏT

Əgər Siz mikro, kiçik və orta biznes subyektisinizsə, bizim investisiya dəstəyimizdən yararlana bilərsiniz.

Bizimlə partnyorluq Sizə yeni biznes ideyanızı reallaşdırmaq və mövcud biznesinizi genişləndirmək imkanlarını verir. Sizin hər birinizin inkişafı yeni iş yerlərinin açılması və ölkə iqtisadiyyatımızın inkişafı deməkdir.

Mikro biznes
işçi sayı 1-10 nəfər, illik dövriyyə ≤ 200 min M

Kiçik biznes
işçi sayı 11-20 nəfər, 200 min M < illik dövriyyə ≤ 3 milyon M

Orta biznes
işçi sayı 21-50 nəfər, 3 milyon M < illik dövriyyə ≤ 30 milyon M

ƏLVERİŞLİ İNVESTİSİYALAR

Birgə İnvest mikro, kiçik və orta biznes subyektlərinin maliyyə mənbələrinə çıxış imkanlarını genişləndirmək və asanlaşdırmaq üçün təsis edilib.

Bizə müraciət etməklə, Siz öz biznesinizə kapital qoyuluşu yolu ilə əlverişli investisiyaları cəlb etmək fürsətini əldə edirsiniz. Bizim əsas məqsədimiz dövlət investisiyalarını mikro, kiçik və orta biznesi təmsil edən real biznes sektoru üçün əlçatan etməkdir.

Sahibkarlıq subyektlərinin maliyyə dəstəyinə olan ehtiyaclarını nəzərə alaraq, Biz investisiyalarımızı əlverişli şərtlərlə təklif edirik.