DÖVLƏT DƏSTƏYİ
BİLİK VƏ TƏCRÜBƏ
BİR PƏNCƏRƏ
DÖVLƏT DƏSTƏYİ
DÖVLƏT SİZİN PARTNYOR OLUR
Bizimlə əməkdaşlıq etməklə, Siz investisiya layihənizə dövlət investisiyalarını cəlb edirsiniz və biznesinizin inkişafı üçün dövlət dəstəyi bilavasitə yanınızda olur.
Bununla da, Siz özünüzə dövlət şirkəti qismində Partnyor qazanırsınız. Bu isə investisiya layihənizin həyata keçirilməsinin bütün mərhələlərində dövlətin dəstəyi anlamındadır.
Bizim özəl sektor nümayəndələri ilə yanaşı, ölkədə sahibkarlıq fəliyyətini tənzimləyən dövlət qurumları ilə də sıx əlaqələrimiz mövcuddur. Biznesin uğuru effektiv əməkdaşlıq mənbələrinin qurulması ilə düz mütənasibdir.
BİLİK VƏ TƏCRÜBƏ
TƏCRÜBƏ UĞURUN ƏSASIDIR
Bizim komanda ölkəmizdə biznes və investisiya mühiti haqqında zəruri biliklərə malikdir.
Siz Bizimlə yalnız investisiyalara deyil, eyni zamanda biznesin aparılması üçün bütün lazımi məlumatlara giriş əldə edirsiniz. Bunu əminliklə söyləməyə Bizim təcrübəmiz və həyata keçirdiyimiz layihələr yol verir.
Biz mütəmadi olaraq ölkədə sahibkarlıq fəaliyyətinin tənzimlənməsinə dair həyata keçirilən islahatları izləyir və bütün biznes yenilikləri birgə layihələrimizdə tətbiq edirik. Hər layihədə əldə olunmuş təcrübə növbəti layihələrin icrasını təkmilləşdirir.
BİR PƏNCƏRƏ
HƏR ŞEY BİR MÜRACİƏTLƏ
Bizə müraciət etməklə, Siz yalnız Birgə İnvest-in deyil, eyni zamanda Kiçik və Orta Biznesin İnkişafı Agentliyinin sahibkarlara göstərdiyi bütün dəstək mexanizmlərindən yararlanmış olursunuz.
Agentliyin xidmətləri biznes layihələrinin həyata keçirilməsinin bütün mərhələlərini əhatə edir: bazar araşdırması, biznes plan və maliyyə mənbələrinə çıxış.
Bu mərhələlər investisiya layihələrinin reallaşdırılması üçün həyati vacibdir. Birgə İnvest Sizinlə Agentlik arasında effektiv və məhsuldar vasitəçi rolunu oynayır.