KAPİTAL QOYULUŞU
BİZDƏN İNVESTİSİYA
ÇIXIŞ STRATEGİYASI
KONSALTİNQ PLATFORMASI
İNVESTİSİYA PLATFORMASI
KAPİTAL QOYULUŞU
KREDİT DEYİL, BORC DEYİL
Birgə İnvest-in göstərdiyi investisiya dəstəyi ənənəvi kredit təşkilatlarının təqdim etdiyi maliyyə mexanizmlərindən fərqlənir.
Biz birbaşa olaraq layihəyə kapital qoyuluşu etməklə, Sizinlə ortaq biznesimizi qurur və Partnyor kimi işimizə start veririk. Ən önəmlisi odur ki, bununla Biz ümumi biznesin həm mənfəətini, həm də zərərini bölüşdürmüş oluruq.
Həm də, Biz sərmayəmizin geri dönüşünü dividendlərin bölüşdürülməsi yolu ilə həyata keçiririk. Bizim dəstək mexanizmi investisiya layihələrində bərabər hüquqları daşıyan Partnyorların iştirakı konseptini özündə əks etdirir.
BİZDƏN İNVESTİSİYA
ƏSAS HİSSƏ QARŞILANIR
Birgə İnvest təqdim etdiyiniz investisiya layihəsinin ümumi dəyərinin 70%-ə qədər olan hissəsini qarşılaya bilir.
Daha çox mikro və kiçik bizneslər üçün nəzərdə tutulmuş bu maksimum hədd bazarda mövcud investisiya təklifləri arasında ən unikalıdır. Sizdən 100% tələb olunan isə layihənin peşəkar idarəçiliyi və uğurlu nəticəsidir.
Bizim tərəfimizdən həyata keçirilən investisiya qoyuluşu əsas və dövriyyə vəsaitlərinin əldə olunması üçün nəzərdə tutulur. İnvestisiya dəyərinin əsas hissəsinin tərəfimizdən qarşılanması Sizdən tələb olunan idarəçilik bacarıqlarını artırır.
ÇIXIŞ STRATEGİYASI
LAYİHƏDƏN ÇIXIŞ STRATEGİYASI
Birgə İnvest dövlət şirkətidir və məqsədimiz təklif etdiyiniz biznes layihəsinin inkişafına və uğuruna nail olmaqdır.
Bizim investisiya layihəsində iştirakımız Sizi müstəqil inkişaf nöqtəsinə qədər müşayət etməkdən, əhəmiyyətli sayda və dayanıqlı iş yerlərinin açılmasından və yatırım olunan sərmayənin geri dönüşündən ibarətdir.
Bütün bunlar yerinə yetirildikdən sonra biz layihəni 100% olmaqla Sizə təhvil veririk. Sizdən tələb olunan isə layihənin start mərhələsində qarşıya qoyulan ümumi məqsədlərin mütəmadi olaraq gözlənilməsidir.
KONSALTİNQ PLATFORMASI
DÜZGÜN MƏLUMAT, DÜZGÜN QƏRAR
Birgə İnvest-ə müraciət etməklə, Siz yalnız investisiyalara deyil, eyni zamanda ölkəmizdə biznes mühitinin mövcud vəziyyəti və aparılan mütəmadi islahatlar barədə məlumatlara giriş əldə edirsiniz.
İnvestisiya layihəsinin uğuru maliyyə mənbələrinə çıxışla yanaşı, biznesin həyata keçirilməsinə dair düzgün qərarların verilməsindən də sıx asılıdır. Bu isə ölkədə baş verən biznes hadisələrdən mütəmadi xəbərdar olmaqla mümkündür.
Biz həyata keçirilən islahatları və tətbiq olunan güzəştləri biznes layihələrimizin optimallaşdırılması üçün istifadə edirik.
İNVESTİSİYA PLATFORMASI
DAHA ÇOX PARTNYOR, DAHA ÇOX İMKAN
Birgə İnvest biznes layihəniz üçün əlavə maliyyə mənbələrinin tapılmasında da Sizə dəstək olur.
Ölkəmizdə sahibkarlıq fəaliyyətinin təşviqi ilə əlaqədar görülən tədbirlər potensial investorların sərmayə yatırmaq istəyini stimullaşdırır. Biz mikro, kiçik və orta biznes subyektləri ilə potensial investorlar arasında əlaqələndirici rolunu oynayırıq.
İnvestisiya layihəsində iştirak edən potensial investorlar Birgə İnvest-in konseptinə uyğun olaraq Partnyor kimi Sizə dəstək olur. Bizim fəaliyyətimiz təklif etdiyiniz biznes ideya ilə maliyyə mənbələrini bir araya gətirir.