XƏBƏRLƏR

Logo Birgə invest geriyə
24 Aprel 2020

“Çiçəklənən Abşeron”

“Bakı Abadlıq Xidməti” MMC, “Birgə İnvest” və KOBİA-nın dəstəyi ilə ölkəmizdə uğurla həyata keçirilən özünəməşğulluq siyasəti çərçivəsində yerli əhalinin daha çox gəlir əldə etməsinə və ailə təsərrüfatlarının inkişafına töhfə verəcək “Çiçəklənən Abşeron” layihəsinin reallaşdırılmasına imza atılmışdır.

Bu məqsədlə Abşeron yarımadasında yerləşən kənd və qəsəbələrin sakinlərinə yaşıllıqların artırılması və kənd təsərrüfatı emalı sahəsinin inkişaf etdirilməsi üçün lavanda və bibəriyyə bitkiləri verilir. Hər bir ailə onun üçün müəyyən edilmiş aylıq vəsait qarşılığında bu bitkilərə qulluq edir. Bitkilər 6-12 ay müddətində ailələrdən geri götürülərək yeniləri ilə əvəz olunur.

Artıq Balaxanı qəsəbəsində yaşayan 250 ailəyə 85 000 bibəriyyə və rozmarin bitkiləri, Zirə qəsəbəsində isə 200 ailəyə 250 - 1 000 arası bitki paylanılıb.

Layihə çərçivəsində becərilən bitkilərin abadlıq işlərində istifadəsi ilə yanaşı, sonrakı mərhələdə emalı, müxtəlif kosmetik və farmaseptik məhsulların və yağların istehsalında istifadəsi, xammal kimi ixracı nəzərdə tutulur.

“Çiçəklənən Abşeron” layihəsi növbəti mərhələdə Novxanı, Ramana və Pirşağı kəndlərində həyata keçiriləcəkdir.

Media fayllar