Kiçik və Orta Biznesin İnkişafı Agentliyi (KOBİA), Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi, Azərbaycan Sahibkarlar (İşəgötürənlər) Təşkilatları Milli Konfederasiyası və "MARSOL" MMC birgə təşkilatçılığı, "Kapital Bankın" tərəfdaşlığı ilə 16-18 iyun tarixlərində "Partners and Business Baku 2022" yerli şirkətlərin tanıtım sərgisi təşkil olunmuşdur. Sərginin məqsədi Azərbaycanda fəaliyyət göstərən şirkətlərin və onların istehsal etdiyi məhsulların geniş miqyasda tanıdılması, şirkətlər arasında yeni biznes əlaqələrinin qurulması və bazara çıxış imkanlarının genişləndirilməsi olub. Sərgi çərçivəsində 2000-dək sahibkarın iştirakı ilə 5 panel müzakirədən ibarət 3 günlük konfrans da keçirilmişdir. Konfransda "Birgə İnvest"-in təqdimatı baş tutmuş, sahibkarlara investisiya dəstəyindən yararlanmaq imkanları barədə ətraflı məlumat verilmişdir.