Oktyabrın 8-i Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və Memarlıq, İnşaat və Dizayn İctimai Birliyi (MİDİB) təşkilatçılığı ilə "Dövlət, Universitet və QHT əməkdaşlığı” çərçivəsində "Sosial sahibkarlığın və müəssisələrin təşkili" mövzusunda təlim baş tutmuşdur. Təlimdə "Birgə İnvest"-in nümayəndəsi öz bilik və təcrübələri ilə bölüşmüş, eləcə də, "Birgə İnvest"-in fəaliyyəti və əməkdaşlıq imkanları barədə məlumat vermişdir. Qeyd edək ki, layihənin məqsədi 120 nəfər gəncin arasında sözügedən mövzuda təbliğat işlərinin aparılması və məşğulluğun təmin olunmasıdır.